 |
"ദുബായ് നഗരത്തിൽ നിരവധി ഷോപ്പിംഗ് മാളുകളും റീട്ടെയിൽ ഔട്ട്‌ലെറ്റുകളും പ്രവർത്തിക്കുന്ന മജിദ് അൽ ഫുത്തൈം, മാൾ ഓഫ് എമിറേറ്റ്സ്, സിറ്റി സെൻട്രർ ദീറ, സിറ്റി സെൻട്രർ മിർദിഫ് എന്നിവിടങ്ങളിൽ പാർക്കിംഗ് ഫീസ് വർധിപ്പിക്കാനുള്ള യാതൊരു പദ്ധതിയുമില്ലെന്ന് വ്യാഴാഴ്ച സ്ഥിരീകരിച്ചു.
മജിദ് അൽ ഫുത്തൈം, പാർക്കിംഗ് സംവിധാനം മെച്ചപ്പെടുത്തുന്നതിനായി 2025 ജനുവരി മുതൽ 'പാർക്കിൻ' എന്ന കമ്പനിയുമായി അഞ്ച് വർഷത്തെ കരാറിൽ ഒപ്പുവച്ചു. ഈ പുതിയ കരാറിലൂടെ, 20 ദശലക്ഷത്തിലധികം വാഹനങ്ങൾക്ക് ബാരിയർ ഇല്ലാത്ത പാർക്കിംഗ് സംവിധാനം ലഭിക്കും.
പാർക്കിംഗ് ഫീസുകൾ പുനഃസ്ഥാപിക്കുന്നില്ലെന്നും, മാൾ ഓഫ് എമിറേറ്റ്സിൽ ആദ്യ നാലു മണിക്കൂറും, സിറ്റി സെൻട്രർ ദീറയിൽ ആദ്യ മൂന്ന് മണിക്കൂറും പാർക്കിംഗ് സൗജന്യമായി തുടരുമെന്നും മജിദ് അൽ ഫുത്തൈം ആസ്തി മാനേജ്മെന്റ് സിഇഒ ഖലീഫ ബിൻ ബ്രൈക് വ്യക്തമാക്കി. സിറ്റി സെൻട്രർ മിർദിഫിൽ ഇനി മുതൽ എല്ലായ്പ്പോഴും സൗജന്യ പാർക്കിംഗ് ലഭ്യമായിരിക്കും.
പാർക്കിൻ കമ്പനി ബാരിയർ ഇല്ലാത്ത ആധുനിക പാർക്കിംഗ് സാങ്കേതിക വിദ്യ നടപ്പിലാക്കുന്നതോടെ വാഹനങ്ങൾ എളുപ്പത്തിൽ പാർക്കിംഗ് സ്ഥലങ്ങളിൽ പ്രവേശിക്കുകയും തിരക്കുള്ള സമയങ്ങളിൽ കാത്തിരിക്കേണ്ടതില്ലെന്നും ബിൻ ബ്രൈക് കൂട്ടിച്ചേർത്തു
0 comments:
Post a Comment